PWD-in vbc. 1063.17 dil belh

Session neih zawh takah PWD changtu chief minister Zoramthanga chuan 2019-2020 supplementary demand-ah PWD chuan cheng vbc. 1063.17 a dil belh thu a tarlang.

ZPM Legislature Party leader Lalduhoma zawhna ziaka chhangin Chief Minister chuan kum 2019-2020 budget-ah road maintenance atan cheng vbc. 50 dah a nih thu a tarlang a, "Supplementary demand hnuaia PWD-in a dil belh zawng zawng chu cheng vbc. 1063.17 a ni. Roads and bridge atan bika PWD-in sum a dil belh zat chu cheng vbc. 745.65 a ni," a ti.

Chief Minister tarlan danin, kawngpui enkawl nana kumtina sum mamawh zat a in ang lo. Kum thum kal ta chhunga sum mamawh dan norms anga chhut chu 2017-18 ah vbc. 225.71, 2018-19 ah vbc. 237.28 leh 2019-20 ah vbc. 254.53 a ni.