Phil Wickham single thar ‘Battle Belongs’

Isaac Hnamte-in Mizo ṭawnga letlinga thiam tak maia a sak 'You're Beautiful' (I mawi ber e) phuahtu Phil David Wickham chuan Zirtawpni khan single thar ‘Battle Belongs’ a tlangzarh a, YouTube lamah music video en theihin a awm tawh.

‘Battle Belongs’ Bethel Music member Brian Johnson nena an phuah niin, indonaa hnehna chang tawh sa Isua kianga ding kan nihzia tarlanna hla ṭha tak a ni.

"Bible-a ka bung duh ber zinga mi, 2 Chronicles 20-ah chuan Pathian mite do turin mi tam tak an fuankhawm tih kan hmu a, he hla 'Battle Belongs'  ka sak apiang hian min tiphur a, a chhan chu engkim kan hmachhawn thei a ni, kan Pathian hi a chak zawk si a. He hla hian ngaithlatute chu Pathian kan hnenah kan tan a awm tih a hriat nawntir ka beisei," tiin a hla thar chungchang hi a sawi.

Phil Wickham hi gospel musician leh singer-ah chuan tunlaia hriat hlawh ber pawl a ni a, kum 36 ni tawhin  a hla 'This is Amazing Grace' phei chu RIAA certified Platinum a ni hial a, Pathianin a hlate hi a hmang hle.