KHAWTHLIR

ERC bawhzui nan nuai 32.40
School Education minister H Rohluna chuan MNF member Dr K Beichhua zawhna ziaka chhangin, Education Reforms Commission din a nih aṭanga sorkara report an pek inkarah cheng nuai 32.40 hman a nih thu a tarlang.H Rohluna chuan, Education Reform Commission tihlawhtling turin sorkarin theihtawp a chhuah tih a tarlang a, "Short, medium leh long term-tea hmalakna tur Group of Expert-te'n an ruahman chu a theih chin chin tihhlawhtlin tawh a ni," a ti.

Siamliana hlate
Mamit College-a Mizo department chuan nimin khan Mamit-a IPR conference hall-ah ‘Siam­liana leh a hlate’ tih thupui hmangin seminar an buatsaih.

Thiam lohna nei lo
Health minister hlui R Tlanghmingthanga AYUSH building saknaa thamna laa puh a nih chungchangah tun hnai khan District & Session Court-in thutlukna a tichhuak a, R Tlanghmingthanga'n thiam lohna a neih loh thu a tarlang.

Lawngtlai kawng
MNF member Dr K Beichhua zawhna PWD minister aiawha chhangtu R Lalzirliana chuan, Hrangchalkawn leh Lawngtlai inkar kawng siamṭhatna turin pawmpuina (approval) hmuh a nih tawh thu House a hrilh.

Tanpuina pe lo
Social Welfare minister PC Lalthanliana chuan MPC member Lalthanliana zawhna chhangin, Mizoram sorkarin pawisa a neih loh vangin Assistance to Voluntary Scheme hmanga NGO-te hnena grant-in-aid a pek ṭhin chu kum 2014-15 ah pek a nih loh thu House a hrilh.

Heroin man
Excise & Narcotics department hnuaia Anti-Narcotics Squad chuan, nimin chawhma khan Chaltlang North-a Lane-tâwi-ah heroin gram 13 leh a neitua puh Khawlneihmawi (40), Zuangtui nia inchhál an man.