Garage-a dah turin hriattir

Aizawl Municipal Council chuan dan ding lai angin, Aizawl khawpui chhunga lirthei nei zawng zawngte chu kawng sira an motor dah lo a, garage-a dah vek turin a hriattir. Hriattirna hi nimin khan tihchuah a ni.

AMC tarlan danin, Aizawl district-a motor MZ-01 F-7188 hnu lam zawng zawngte chu an motor an register dáwnah garage neia insawi vek an nih avangin, F-7188 hnu lama motor register zawng zawngte chu April 20, 2015 hma ngeia garage-a dah vek turin a hriattir a; April 20 hnu lamah chuan vantlang kawngpui sira motor dahte chu dan hmanga hrem an ni ang.