K-Deposit-ah nuai 37,138.90 dah

26th March, 2015

Finance minister Lalsawta chuan MNF member Dr. K Beichhua zawhna ziaka chhangin, March 3, 2015 thlengin sorkar department 16 hman tur pawisa cheng nuai 37,138.90 K-Deposit-ah dah a nih thu a tarlang.

Finance Minister tarlan danin, Mizoram sorkarin kum 2014-15 chhung khan RBI aṭangin Ways & Means hmangin vawi 38 leh Special Ways & Means hmangin vawi 31 pawisa a pûk a, pawisa a pûk belhkhawm chu cheng nuai 112.39 a ni.