KHAWTHLIR

Kawng zawh
Mamit College leh District Drinking Water & Sanitation Committee ṭangkawp buatsaihin nimin khan Mamitah Drinking Water & Sanitation Week khârna neih a ni a; Mamit DC Vanlalnghaisaka hoin kawng zawh a ni.

Hri danna pe
AH&Vety department chuan nimin khan Muthi community hall-ah Free Animal Treatment & Vaccination Camp an buatsaih a, ran hriselna an endik bakah, hri venna an pe a ni.

Mei zu man
Aizawl District Anti Tobacco Squad chuan nimin khan Bawngkawn leh Zemabawk inkarah phal lohna hmuna mei zu an awm leh awm loh an endik a, puipunna hmun hrang hrang 10 vel an tlawh. Phal lohna hmuna mei zu mi panga an man a, pawisa an chawitir nghal a ni.

MPCY an lawm
MPC party ṭhalaite chuan thuchhuah siamin, Aizawl Municipal Council chhunga hmasawnna leh mipuite zângkhaina turin AMC sorkarin chak takin hma a la niin an tarlang a, lawmawm an tih thu an sawi. MPCY chuan, "Sorkar leh mipui tana harsatna thlen thei zawnga dan kalha chête chunga huaisen taka dan leh thupek kengkawh ngamtu AMC chairman hi kan thlawp zel dawn a ni," an ti.

Ph.d hmu
R Lalawmpuii d/o R Thansanga chuan Mizoram University aṭangin doctorate degree a hmu a, a thesis chu 'Mathematical Modeling of Acquired Immunodeficiency Syndrome (AIDS)' tih a ni.

Heroin man
Mizoram police-a Aizawl District Special Branch-te chuan March 25 khan Chaltlanga Sericulture directorate bulah heroin gram 44 an man a, a neitua puh Lalramchhuanmawia, Zuangtui inti leh Lalrinmuana, Chanmari, Aizawk intite an man bawk. Heroin hi Rs. 1,10,000 man vela chhût a ni.