IGNOU-a thawkte tan training pe

Indira Gandhi National Open University, Aizawl Regional Centre hnuaia Diploma in Elementary Education programme enkawltu leh academic counsellor-te pualin ni hnih chhung awh tur, orientation programme nimin khan SCERT auditorium-ah ṭan a ni.

Orientation programme hawngtu SCER director Malsawm­thangi chuan GNOU Regional Centre, Aizawl leh SCERT inkar­ah thawhhona ṭha tak a awm nia sawiin, lawmawm a tih thu a sawi a, orientation programme-a telte chu an training ṭha taka hlen chhuah tum turin a fuih.

IGNOU regional director Dr. SR Zonunthara sawi danin, Aizawl Regional Centre hnuaiah hian zirlai 17,000, Diploma in Elementary Education programme hnuaiah zirtirtu training lai 1,600 leh academic counsellor 59 an awm a ni.