A huna zawh loh awm ti

PWD changtu chief minister Lal Thanhawla chuan MNF member Dr. K Beichhua zawhna ziaka chhangin Bairabi Tlawng lei chu contractor-in a mamawh zat skilled labour a hmuh loh avang leh lui aṭanga metres 20 a sanga hnathawh a ngaih avangin beisei anga hnathawh chak theih a nih lo tih sawiin, "Hun ruahman chhunga zawh a ni lo pawh hi thil awm tak a ni," a ti.

Lal Thanhawla tarlan danin, Bairabi Tlawng lei atan hian June 28, 2008 khan agreement ziah a ni a, furin a nan zui avang­in December, 2008 a hnathawh ṭan a ni. A tir zawh hun tura ruat chu June 28, 2010 a ni a, tuna zawh hun tura ruahman mek chu May, 2015 a ni. Lei dawhna atana sanction chu cheng nuai 1252.30 a ni a, tun dinhmunah cheng nuai 778.59 sen a ni tawh.