Kawtchhuah Ropui lawm a ni

Vangchhia-a Kawt­chhuah Ropui, National Importance leh Adarsh Monument-a puan chu nimin khan Kawtchhuah Ropui luhna, Zofate Thlang­tlak Gate tual­ah lawm a ni a, INTA­CH Mizoram Chap­ter convener P Rohming­thanga khuallian niin, INTACH co-convener C Chawngkunga khualzah­awm a ni.

P Rohmingthanga chuan, Mizo­ram chu a zau zawng ngaih­tuahin lungphun ṭha tak tak, pi leh pute sûlhnu awm tamna a nih thu a sawi a, "Pi leh pute sûlhnu hian lung an tiléng ṭhin a, state dang angin pûk ropui te, in ropui leh thlàn ropuite nei lo mah ila, lungphun kan neihte hi a ropuiin a ṭha tawk a ni," a ti.

P Rohmingthanga chuan, Archeological Survey of India-in Na­tional Importance-a Kawtchhuah Ropui a puan avangin khawvel huap pawha zahpuiawm lo turin ASI-in cheibâwl a tum thu a sawi a; Lianpui, Farkawn leh Champhai district hmun dangah hmanlaia mite sûlhnute chu humhalh zel tur a nih thu sawiin, khualzin tam zawk dawng thei tura inpuahchah turin khaw mipuite a chah.

Kawtchhuah Ropui lawmnaah hian hnam làm­te entir niin, zaite ngaih­thlak a ni a, Zofate thlang tlak dan leh Chawnglaizawn lo chhuah dan lemchan entir a ni bawk. Tlaiah lawmna ruai an ṭheh.