ICTC leh STI counsellor-te training nei

March 26, 2015 zan khan IPR directorate conference hall-ah Mizorama Integrated Counselling & Testing Centre (ICTC) 38 leh Sexually Transmitted Infection (STI) clinic pakuaa counsellor-te tan sorkar kum kal laia an hnathawh dan thlirletna hun buatsaih a ni.

Meeting hi MSACS project director Dr Lalmalsawmi Sailo-in a hmanpui a; Dr Lalmalsawmi chuan, ICTC leh STI clinic counsellor-te chu HIV/AIDS vanga harsatna tâwkte hmaichhana kâwmtu leh a tak taka thawktu an nih avangin an pawimawh hle tih a sawi a; sum harsatna karah bahlah loa service an pek reng theih avangin lawmawm a tih thu a hrilh.

Meeting hi MSACS deputy director (BSD) Dr Malsawmtluangi Ralte-in a kaihhruai a, kum 2014-15 chhunga an hnathawh tawhte an thlirho a ni.