Bill pahnih vangin Congress an lawm

Congress party chuan thuchhuah siamin, March 17-25, 2015 chhunga Mizoram Legislative Assembly session-ah The Mizoram Right to

Public Services Bill, 2015 leh The Mizoram Compulsory Registration of Marriages (Amendment) Bill, 2015 pass a ni chu lawmawm an tih thu an tarlang.

MPCC chuan, The Mizoram Right to Public Services Bill, 2015 chuan Mizoram khua leh tui tawh phawt chu sorkarin mipui tana a tih tur hun tiam chhunga a tih nan mipui lamah phût theihna a pe dawn niin an sawi a, "Hlemhletna dona hmanraw chak tak a ni dawn a ni," an ti.

MPCC chuan, MNF sorkar lai, kum 2007-a dan siam, The Mizoram Compulsory Registration of Marriages Act, 2007 chu a famkim tâwk lo a, marriage registration sût (cancel) theih dan a tel loh avangin The Mizoram Compulsory Registration of Marriages (Amendment) Bill, 2015 chu duana pass a ni leh ta niin an sawi a, "He dan thar ang hi chuan miin Court hriatpuia inṭhenna lehkha a neih phawt chuan a hmaa nupui/pasal a neihna registration kha a cancel thei dawn a ni," an ti,