Chhungkaw 5 inthiar chhuak

Aizawla Electric Veng (Hebron) mawng lamah nimin zing dar 3:40 khan lei a min a, thi leh hliam an awm lo. Leimin vang hian chhungkaw panga chu an chenna in aṭangin an inthiar chhuak.

Leiminna hmun hi nimin zing khan Disaster Management & Rehabilitation minister leh bialtu MLA K Sapdanga leh AMC-a bialtu corporator Rosiamngheta ten an tlawh a; mamawha hman atan Electric Veng Local Council hnenah Rs 5,000 ve ve an pe a, MUP leh MHIP hnenah Rs 2,000 ve ve an pe bawk. K Sapdanga chuan, a ṭul anga amah pun zel turin khawtlang hruaitute a chah.

Geologist-te thurawn angin leiminna bul hnaia cheng chhungkaw panga chu an inthiar chhuak nghal a, khawtlang mipuiin an inthiarpui a ni.

Bungrua thiar chhuakte chu - F Vanlalṭhuama te chhungkua, Lalramthangi te chhungkua, Mickey Lalramtiama te chhungkua, Zodinpuia te chhungkua leh Vanengmawia te chhungkua an ni.