KHAWTHLIR
Tawrhpuina thawn
Chief minister Lal Thanhawla chuan, Mizoram Governor hlui PR Kyndiah thihna a tawrhpui thu, a fanu Doyoothi Kyndiah hnenah a thawn. CM chuan, "Pu PR Kyndiah hun lo taka a boral thu kan hriatin Mizoram mipuite min barakhaih hle a. Mizote'na kan hmelhriat, politician ṭha, minister nachang hria, Governor ṭha tak leh mihring mihrinna pawha mi chhuanawm a ni," a ti.
PUC-in làm entir
Pachhunga University College (PUC) Cultural Club member mi 17-te chu March 27–29, 2015 chhunga Hyderabad-a Parv-Purvauttar, Celebrating the Diverse Cultural Traditions of North-East with Telangana programme-ah an tel a, Mizo lam chi hrang hrang an entir.
PM-in tawrhpui
Prime minister Narendra Modi chuan Mizoram chief minister hlui Brig. T Sailo thih chungchangah, tawrhpuina thu a thawn a, "Brig. T Sailo hi mi bik leh ropui, Mizoram hmasawnna atana nasa taka thawktu a ni," a ti.
Lungphùm phúm
Health minister Lal Thanzara chuan, Inrinni zing khan Forward Linkage Scheme hnuaia Aizawl Civil Hospital-a semi private room block leh general ward sak tur lungphùm a phúm. Lung phûm tak hi Aizawl Civil Hospital tihchangtlunna tura NPCC-in a pawm tawh zinga pakhat a ni.
Tourist lodge enfiah
Tourism minister John Rotluangliana chuan Inrinni khan Khawzawl tourist lodge sak mek a tlawh. Khawzawl tourist lodge March 2014 khan sak ṭan a ni a, contractor chuan 70% an sak zawh tawh thu a sawi.
LIBK khawmpui
Lairam Isua Krista Baptist Kohhran(LIKBK) Assembly vawi 16-na chu March 27 khan Moria Kohhran, Lawngtlai Chandmary ah ṭan a ni a, Inrinni khan ro an rel. Khawmpuiah hian kum 2015-6 budget atan cheng nuai 1000 an pawm. LIBK-ah hian kohhran 99 ah members 27,147 an awm mek a ni.