Larsap ruat dan duh loin Lungawi lohna lantir tum

MZP chuan thuchhuah siamin, sorkar laipuiin Mizoram Governor a thlâk zing lutuk chu ṭha lo an tih thu an tarlang a, "Mizo mipuite hmuhsitna leh a thamlohnaah kan ngai," an ti a; Mizoram Larsap ruat dana Central sorkar thil tih dan avangin lungawi lohna lantir an tum thu an puang.

MZP hian Mizoram Governor ruat lailawk, West Bengal Governor Keshri Nath Tripathi lak luh ní-ah Raj Bhavan gate bulah lungawi lohna lantir an tum a; hun remchang hmasaah Aizawla Central sorkar pisa kai tur dan leh Central sorkar pisaa puan dum zâr an tum bakah, India President Pranab Mukherjee-a'n Mizoram University convocation hmang tura a rawn kal hunah lungawi lohna lantir an tum a ni.