MLA-te SAGY kalphung hrilhfiah

Rural Development department chuan, ni­min khan Assembly conference hall-ah MLA-te pualin thingtlang khaw thlan bikte tihhmasawnna tur, Sansaad Adarsh Gram Yojana (SAGY) zirhona an buatsaih a, chief minister Lal Thanhawla'n a hmanpui.

Chief Minister chuan, SAGY chu ṭangkai tak tur a nih thu a sawi a, "MLA-te chu an biala khua thlangtu tur an nih angin, a enfiah hna leh vil hna an thawh ṭhat hle a ṭul dawn a, langtlang taka kan kalpui a ṭul ang," a ti.

SAGY hian thingtlang khua leh a chhunga chengte nunphung chawikan a, hmasawnna pawimawhziate zirtirna pekte a keng tel a, prime minister Narendra Modi-a’n October 11, 2014-ah a hawng. SAGY hnuaiah hian MP zawng zawng chu a bik taka an chei tur khua, model village thlang tura tih an ni a; Centrally Sponsored Scheme hrang hrang leh state sum awm sa hmanga kalpui tur a ni.

SAGY hnuaiah hian state tina MLA-te pawh an bial ṭheuhah model village thlang tura tih an ni.