Court-a thubuai hmachhawn dan inzirtir

Department hrang hranga Court-a thubuai chungchanga mawhphuhna neite tan, nimin khan ATI auditorium-ah training buatsaih a ni a, Law & Judicial minister Lalsawta'n a hawng.

Lalsawta chuan department office reng rengah dan leh hrai chungchanga mawhphurhna neite an pawimawh zual bik tih sawiin, "Kawng engkimah dan ang thlalpa hna an thawh leh thu an dah a ṭul. Office-a

ṭhu in nih angin Court-a chak tur chuan sorkarin dik taka thil a tih a ngai. Dik taka thil kan tih chhung chuan min khing ṭhin mah se, kan chak zel ang," a ti.

Law & Judicial Minister chuan, sorkar ukilte hnenah lehkha pawi­mawh leh document famkim, chipchiar taka hrilhfiahna leh comment-na a hun taka tih a pawimawh tih sawiin, "Sorkarin dik lohna a neih miah loh lai pawha para-wise comment buatsaih tlai lutuk emaw, famkim tâwk lo emaw, dik chiah lo emaw avangin sorkar hi mimal leh pawl min khinnaah kan chak lo zawk thei fo," a ti a; training-a telte chu ṭhahnemngai taka zir turin a chah.