Tlanghmingthanga thiamthu sawifiah

MNF Legal Board hotute chuan, Aizawl Civil Hospital-a AYUSH building saknaa sum a eirua puhnaa Health minister hlui R Tlanghmingthanga'n Court-a thiam a chan dan an sawifiah.

MNF Legal Board hotute chuan nimin khan Aizawl Press Club-ah thuthar thehdarhtute an kâwm a; an vice chairman J Lalremruata chuan, "Special Court chuan R Tlanghmingthanga chu thiam lohna leh dik lohna leh finfiahna a awm lo tiin a thubuai a titawp (acquitted) a ni," a ti.

J Lalremruata sawi danin, R Tlanghmingthanga thubuaiah hian hriatpuitu atana tih mi 15 zinga 14 chu Court-ah an inlan a, kum ruk chhung Congress sorkar kutah document leh file zawng zawng a awm chungin R Tlanghmingthnga thubuai chu finfiah theih a ni lo a ni.