MNF-in mithite sunna hun an hmang

MNF party chuan nimin khan HPC (D) in police pathum an thahte leh tun hnaia thi chief minister hlui Brig. T Sailo, padma shree Khawlkungi leh Mizoram larsap hlui PR Kuyndiah sunna hun an hmang.

MNF president Zoramthanga chuan police nunna chante chu a ui takzet thu sawiin, "An kalsan tak an chhungte Pathianin awmpuia, thlamuan turin ka ṭawngṭai pui a ni. Hliam tuarte pawh an dam leh thuai theihna atana duhsakna ka hlan. He thihna hi Mizote hnam anga kan ṭanrual a ṭulna leh inremna a pawimawh zia lanna a ni," a ti.

Zoramthanga chuan, "Brig. T Sailo kha Mizote tana mi ropui leh chhuan tlak a ni a, a thi hi Mizote tana channa nasa tak a tling. Khawlkungi pawh Mizo nu ropui leh thu leh hlaa Mizote chawmtu a nih avangin a uihawm tak zet a ni," a ti a, PR Kyndiah chu Mizote ṭhian ṭha, Mizote tih hmasawn tuma lehkhabute ziaktu a nih avangin MNF chuan an ui takzet tih a sawi.