Lawngtlaiah plan siam dan tur thlirho

Nimin khan Lawngtlai DC conference hall-ah Lawngtlaia district officer leh LADC officer-te'n Integrated District Plan siam dan tur DRDA project director Dolianbuaia hoin thlirho a ni.

Ministry of Panchayati Raj aṭanga ruahmanna kal zelah Integrated District Plan hi siam a, kalpui tur a ni. He project hnuaia hnathawh tur chi nia hriat chi hrang hrangte department leh council office-te'n an thehlut a, chung ruahmanna thehluh hrang hrangte chu kimchang zawk leh felfai zawka thliar felin thuneitu sang zawk lamah la thehluh leh tur a ni.