Lirthei khû endik rel

Transport secretary Dr Franklin Laltinkhuma hoa July 15 a Transport department, Traffic police leh Mizoram Pollution Control Board (MPCB) hotute ṭhukhawm chuan, khauh zawka lirthei khû (emission) endik leh Pollution Under Control Certificate (PUCC) nei leh nei lo endik an rel.

Meeting chuan, khauh zâwka lirthei khu endik turin July 20, 2016 aṭangin traffic police leh MVI-te duty ṭan ni se, an ti a; an mante chu pawisa châwitir nghal loin, an document hrênsak a, ni sarih chhûnga lirthei khû enfiahna certificate, PUCC kengin document chu lak chhuah theih tura tih ni se, an ti.