Mizo Hmeichhe Ṭangrual kum 70-na lâwm

Mizo Hmeichhe Ṭangrual chuan Inrinni khan Working Women’s Hostel, Khatlaah an kum 70-na tlin an lawm a, Social Welfare minister PC Lalthanliana leh Mizoram Women's Commission chairper-son Vanlalawmpuii Chawngthu, MLA-in
an hmanpui.

Jubilee lawm in-khawm hi MHṬ presi-dent C Biakchhingi'n a kaihruai a; minister PC Lalthanliana chuan, Mizo hnam leh khawtlang tana MHṬ hnathawhte ropui a tih thu sawiin, "Sorkar pawhin naupang, fahrah leh chanhai zawkte chawikân zel a tum a, Social Welfare department-in home hrang hrangte ṭanpuina a pek ṭhin zingah MHṬ hi a hmang ṭha ber pawl an ni," a ti.

Vanlalawmpuii Chawng-thu pawhin thu sawiin, "Sorkar duhsak-nain Mizo hmeichhiate pawh ram rorelnaah kan tel ve theih nan reservation pek kan ni a, hemi hmanga inthlanna mipui aiawh tura thlan tlinte'n theihtawp chhuah hi kan tihmâkmawh a ni," a ti a; hnathawh ṭhat leh
ṭhat loin hmeichhiate hma lam hun a hril tur thu a sawi.

Mizo Hmeichhe Ṭangrual hi July 16, 1946-ah Mizo High School, Mission Vengah din a ni a, president hmasa ber chu Lalthanzami a ni.

An tum ber chu Mizo hmeichhia leh naupangte dinhmun chawikân leh tihhmasawn a ni a, an din tirh aṭanga tun thlengin fahrah leh naupang enkawlna Motherless Babies’ Home bakah, Working Women’s Hostel an enkawl mek a ni.