Transformer chhia vangin êng mumal lo

Mualpui, Aizawla 33KV Sub-Station-a power transformer a chhia chu siam ṭhat a la ni lo a; hei vang hian Aizawl chhuah lam veng ṭhenkhatte leh chhim lam veng ṭhenkhatte'n kawlphetha an hmu mumal thei lo.

Thu dawn danin, trans-former chhia vang hian Mualpui sub-station-in a châwm Aizawl chhuah lam veng ṭhenkhatte chu a inchhawkin kawlphetha pek an ni ṭhin. Chu'ng vengte chu July 15 zan aṭang khan sub-station dang aṭangin êng pek an ni a; Tlangnuama 33KV sub-station aṭang pawhin pek an ni.

Tlangnuam 33KV sub-station aṭang pawhin a chawm
ṭhin pangngaite bakah, Mualpui sub-station-in a châwm veng-te pek tel a nih avangin kawl-phetha pek chhuah a tam lutuk a, transformer-in a zawh loh phah a; Mission Veng leh Mission Vengthlangahte a inchhâwkin kawlphetha pek a ngaih phah nia thu dawn a ni.

Mualpui 33KV sub-sta-tion-a 6.3 MVA power trans-for-mer chhe thlakna atana Sihhmui aṭanga lak transformer chu Mualpuiah phurh thlen niin, Inrinni khan bun a ni a; transformer oil-te pawh thun ni mah se, oil filter nan ni thum/li vel a la ngai dawn niin an sawi.