Rangvamual leimin thianfai mek zel

Rangvamuala National Highway-54 kawngpui leiminin a hnawh ṭhin chu kawng enkawltu contractor, Architecture Interior & Engineering Construction Ltd.-in lirthei lian inpelh theiha siam turin hna an thawk chhun-zawm zel a; Traffic police lamin lirthei kal hun tur an siam pawh la kalpui zel a ni.

Architecture Interior & Engi-neering Construction hotute sawi danin, kawng chhuat an thenfai tawh chu lirthei lian inpelh theihna khawpa zau ni mah se, a diak vang leh chirh dâi tur a la tam avangin lirtheite chu an la intlân chhâwk reng a; kawng a tlang reng avangin thui tak innghah khawm erawh a ngai tawh lo.

Kawng chhak ko sang tak aṭangin lei tla a la awm reng avangin then fai reng a ngai a, zan tin zar dar 10 aṭanga a tûk zing dar 5 thleng kawng khârin, leimin then hna an thawk chhunzawm zel a ni. Nizanah erawh chuan Pathianni zan a nih avangin hna thawh an chawlhsan a, zankhuain kawng hawn a ni.

Hetih lai hian, Lungverh péng aṭanga Sakawrtuichhun kaltlanga Aizawl luhna kawng chu lirthei tê chite nuam zawka an tlan theih nan PWD-in a chhe zual lai an thawm
ṭha mek zel nia thu dawn a ni bawk.