Police-in pawngsualtu an man

Lalmuanpuia (28) s/o Tlangmawii, Sateek/Aibawk chuan July 16, 2016 chhun khan nu pakhat a pawngsual a, Inrinni vek khan police-te'n an la nghal.

Aibawk branch YMA president R Lalrindika hnen aṭanga thu dawn danin, Lalmuanpuia hi hmeichhe pakhat a pawngsual tih hriat a nih hnuah Sateek khawtlangin an in aṭangin an man a, police kutah an hlan. Amah hi an inah a awm tam lo a, jail-a táng fo tawh a ni.

Lalmuanpuia te in hi Sateek ram china awm a ni a, mahse, kal velna a awlsam zawk avangin an Aibawk angin a inchhal a, kohhranah pawh Aibawk lamah an láwi niin an sawi.

Aibawk JAC chuan thuchhuah siamin, pawngsualtu Lalmuanpuia chu an dem thu leh a tuartu chhungkuate an tawrhpui thu an tarlang a; Lalmuanpuia chu Aibawk khua rap tawh lo turin an hriattir a ni.