Mizorama jail-ah mi 1,332 an táng thei

Mizoramah jail pariat a awm mek a, jail-ahte hian mi 1,332, mipa 1,122 leh hmeichhia 210 an táng thei. January 2016 tawp thleng khan jail táng mi 1,252 an awm.

Mizorama jail-te hi Aizawlah pahnih awmin, Serchhip leh Mamit tih loh district parukah pakhat ṭheuh a awm a; jail zingah hian a lian ber chu Central Jail, Aizawl niin, mi 575, mipa 486 leh hmeichhia 89 an táng thei a ni.

Mamit leh Serchhipah jail tur buat-saih mek a ni a, Mamit district jail tur chu peih thawkkhat a ni tawh a, thawktu ṭhenkhatte pawh dah tawh niin, táng erawh dah an la ni lo.

Serchhip district tan pawh Chhiah-tlangah jail sak mek a ni a, peih thawkhat a ni tawh. Serchhip district MJA-te chuan jail tur sak mek hi tun hnai khan tlawhin, hman theiha siam thuai tur leh hawng thuai turin sorkar an ngen.

Mamit leh Serchhip district-ah hian jail a awm loh avangin, an district-a jail táng turte chu Aizawlah thawn an ni ṭhin.

January 2016 tawp thleng khan jail táng hi Mizorama jail pasarihah 1,252 an awm. Táng tamna ber Central Jail-ah chuan mi 694 an táng a, táng tlemna ber Lawngtlai district jail-ah chuan mi 10 an táng thung.

Mizoram jail-a táng thei zat

Jail hming Mipa Hmeichhia Total

Central Jail, Aizawl 486 89 575

District Jail, Aizawl 113 - 113

District Jail, Lunglei 138 35 173

District Jail, Saiha 85 10 95

District Jail, Kolasib 98 16 114

District Jail, Champhai 108 18 126

District Jail, Lawngtlai 94 42 136

Total 1,122 210 1,332