KHAWTHLIR

Thilpek hlan

Assembly deputy speaker R Lalrinawma chuan, nimin khan a bial chhunga Sihphir Higher Secondary X leh Urban Public Health Centre hnenah thilpek a hlân. Sihphir HSS hnenah hian white board pathum, ṭingṭang leh chair vir thei a pe a; PHC tan tui tihvawhna leh steel almirah a pe thung.

Ek-in sak dan sawiho

UDPA department bul-tumin nimin khan, Cham-phaia IPR audito-rium-ah Champhai khaw chhunga V/C-te tan ek-in sak dan turah inrâwnkhawmna leh inhrilhhriatna hun an buatsaih. Champhai khawpui chhungah êk-in siamṭhat ngai 361 hmuh chhuah a nih avangin inrâwnkhawmna hi buatsaih a ni.

Paper present

July 17-22 chhung hian Paris, France-ah 19th International Conference on Dynamical Processes in Excited States of Solids buatsaih a ni a, Govt. Zirtiri Residential Science College-a associate professor Dr. Rosangliana'n paper a present. A paper thupui chu "Study of surface effect on Photoassisted field emission from Ta (112) and Ti (0001) by using the Transfer Hamiltonian method" tih a ni.

CTP lawm

Champhai Ṭhalai Pawl (CṬP) chuan thuchhuah siamin, District Vigilance & Monitoring Committee neiha tel tura an ngenna Champhai district chhunga MLA-te'n an ngaih pawimawh avanga an lawm thu an tarlang a; an district hmasawnna atana ṭan la zel turin MLA-te an ngen nghal.

Thu dawn sual

Vanglaini July 16, 2016-a 'Facebook-a thu post-tu police-in an man leh chanchinbu mi paliin interim bail an la' tih thu para linaa, 'Naupang pawngsual thu hi a tuartu naupangte hming nen Lungleia chanchinbu palite pawhin an chhuah a...' tih thu chu Lunglei police aṭanga thu dawn sual a ni a; Lunglei chanchinbute'n a tuartu naupang hming an tarlang lo tih Lunglei MJA hotute chuan Vanglaini an hrilh.