In sak ṭanpuina sem dan tur sawiho

Champhai District Level Screening Committee on PMAY - Housing For All (Urban) chu nimin khan DC Vanlalngaihsaka hoin DC conference hall-ah an ṭhukhawm a; Champhai, Khawzawl, Khawhai leh Biate khuaa mahni puala chenna in nei lote in sak
ṭanpuina pek dan tur an sawiho.

Meeting-a tarlan dan-in, Beneficiary Led Construction (BLC) hnuai-ah in sak ṭanpuina Rs. 1,50,000 pek theih a ni a, ṭanpuina dawng tur hian khaw palite aṭangin dilna 4,222 an dawng tawh. Dilnate chu a tahtawla spot verification neih tura ruahman a a ni a, Committee-in dawng tlaka a ngaihte chauhin in sak
ṭanpuina an dawng ang.

BLC hnuaia ṭanpuina hi Champhaiah chuan in 2,417 sakna turin detailed project report (DPR) siam tawh a ni a, khawpui pathum dangte tan pawh survey neiha thehluh
thuai tum a ni. In sak ṭan-p-ui--na diltu hi Champhaiah mi 3,037, Khawzawlah mi 894, Khawhaiah mi 104 leh Biateah mi 187 an awm.

Credit Linked Subsidy Scheme (CLSS) housing loan chu interest subsidy-a kalpui tur a ni a; State Bank of India, Mizoram Rural Bank, Mizoram Cooperative Apex Bank leh Canara Bank-te kaltlangin khawsak harsa leh sum la lut tlemte hnenah Rs. 6,00,000 thleng pek a ni dawn.

CLSS hnuaia loan hi State Level Banker’s Committee-in kum 2015-16 atan Champhai khawpui huam chhungah mi 80 hnenah chauh pek a phal rih avangin, bank palite chu housing loan 20 ṭheuh pe chhuak tura tih an ni a; CLSS hnuaia loan dilna mi 682-in an thehlut tawh a ni.