National leh north east level-a infiammi medal late chawimawi

Kolasib District Sport Committee (KDSC) chuan, nimin khan DC conference hall-ah an district chhunga sports discipline hrang hranga national leh north east level-a medal la mi 25-te chawimawina hun an buatsaih a, DC H Lal-engmawia'n a hmanpui.

Lawmman sem in-khawm hi KDSC chairman Dr. Zaihmingthanga'n kaihruaiin, H Lalengmawia chuan, "Mizote hi tun hnaiah infiamnaah nasa takin kan ṭhangharhin hma kan sawn nasa hle. Infiamna chi hrang hrang hlawhtling tur chuan rilru leh ngaihtuahna a pawimawh hle. Rilru huaisen lo mi a hlawhtlin theih loh a, financial support te, facilities hrang hrangte leh infrastructure turte ṭha chu pawimawh tho mah se, hlawhtling tur chuan rilru huaisenna leh mahni inrin tawkna a pawimawh ber a ni," a ti.

Infiamnaa hlawhtling zel tur chuan medalist ni theite hian ṭhiante tih ang zawng zawng tih ve lohte a ngai ṭhin tih sawiin Kolasib DC chuan infiammite chu in enkawl uluk tur leh national nevel mai ni lo, international level -a lang pha tura rilru nei turin a chah.

National leh north east level-a infiammi medal la chawimawina an hlante hi mi 25 an ni. KDSC hnuai-ah hian tun dinhmunah affilation association discipline 18 an awm mek a ni.