Chakma ven kawngah ṭan la turin phut

MPC ṭhalai chuan thuchhuah siamin, chief minister Lal Thanhawla'n Inter State Council, New Delhi-a neiha tunhnaia Bangladesh-a mi firfiakte chetna chu India hmar-chhak pum tana hlauhawm thei a nih avanga ramrite uluk leh zual a venhim a ṭulzia a sawi chu lawmawm an tih thu sawiin, Chakma foreigner ven kawngah ṭan la lehzual turin an phut.

MPC ṭhalai chuan, "Chief Minister thusawia kan lawm rual hian ramri venhim ṭhat loh avanga Bangladesh aṭanga Chakma foreigner lut ru zo zai kan ram in kan buaipui tawhzia te, khawchhak atanga ralthuam leh ruihhlo tawlh rukna hluar tak te hian kan ram min tih-chhiatzia hre thar leh a, hemi kawngah pawh hian ṭan la leh zual turin Chief Minister hi kan phut a ni," an ti.

Chief Minister-in ramri uluk leh zual a venhim a nih theih nana sorkar laipui aṭanga hmarchhak state-te tana 100% grant a hranpa a ruahmanna siam tura a nawr chu lawmawm an tih thu sawiin MPC ṭhalai chuan, "Vawiin thleng a kan ram intuam hlawmna tura state pachhia leh intohdelh lo kan la ni reng erawh hi chu mualpho thlak kan ti," an ti a, Congress leh MNF-te'n kum sawmthum zet sorkarna an chelh chhunga ram hmasawnna kawngah Mizoram chu a la ṭhuanawp reng niin an tarlang.

MPCC ṭhalai chuan Brig T Sailo kaihhruai PC sorkarin kan ram hmasawnna leh intohdelhna tura hmathlirna thui tak an lo kalpui tawh chhunzawm loa tih ṭhuanawp a nih avangin state intodelh loh leh pachhia kan la nih reng tih sawiin, "Hemi aṭanga Mizoram khai chhuak tur hian theihtawp kan chhuah zel dawn a ni," an ti.