Lirthei kal theih hun siam

Kawnpui leh Khàmráng inkar national highway kawngpui khuar hnawh hna leh leimin thenfai hna thawh a nih dawn avangin Kolasib SP chuan kawngpuia lirthei kal theih hun a siam.

Kolasib SP thupek chhuaha tarlan danin, Kawnpui-Khamrang kawng hi September 4, 2024 aṭanga October 4, 2024 chhung siam a ni dawn a; kawng siam chhungin chhun dar 1 aṭanga zan dar 6 inkarah kawngpui khâr a ni ang a, zan dar 6 aṭanga a tuk chhun dar 1 thleng hawn a ni ang. Kawnpui-Durtlang tlang kawngah lirthei lian (HMV) tlân khap a ni.

Thupek zâwm lote chu MV Act Section 177 hmanga hrem theih an ni a; thupek hian ṭul bik thila Police, Fire & Emergency Service, ambulance leh magistrate-te chêt velna a huam lo thung.