PHE-a thawkte hriselna dinhmun enfiah

District Health Society, Lunglei hmalakna Healthy Lunglei District Campaign hnuaiah nimin khan Lungleia Public Health Engineering department-a thawkte tan natna inkai chhâwn theih loh, non-communicable disease (NCD) chungchang inzirtirna leh an hriselna dinhmun enfiahna, NCD Awareness Campaign & Ccreening buatsaih a ni.

Awarness campaign kaihruaitu PHE superintending engineer Zohmingliana chuan, "Tunlaiah thih thut thut a tam avangin mahni hriselna dinhmun hriat chian leh ngaih pawimawh a ṭul," a ti a; PHE-a thawktute puala DC office leh Health department-te'n inzirtirna leh hriselna enfiahna hun an buatsaih-sak chu lawmawm a tih thu leh thawktute'n an ṭangkaipui ngei a beisei thu a sawi.

Lunglei additional DC James Miahlung chuan Healthy Lunglei District Campaign chu June 12, 2024 khan Health minister Lalrinpuii'n a hawn thu sawiin, "Chumi hnu aṭangin a theih ang angin DC office leh Health department ṭangkawpin hmalak chhunzawm zel a ni. Kohhran ṭhalai pawl leh NGO bakah, sorkar department ṭhen-khatahte hmalakna kalpui a ni tawh," a ti.

Awarness-ah hian Civil Hospital, Lung-leia medical officer Dr Lalhlimpuii'n NCD lan chhuah dan leh natna awm chhan te, NCD natnate laka inven dan turte a zirtir a ni.