Vawiinah sikul hawng ṭan dawn

Mizoram sorkarin school calendar a siam angin, academic session 2015-16 atan vawiin hian sikul hawn ṭan a ni dawn a, sikul kâi hun pawh sawn hma nghal tur a ni.

School Education department chuan, vawiina sikul luh ṭan ni-ah hian sikul zawng zawngte chu inhawng vek turin a hriattir tawh a; sorkar thu loa sikul hawng lote lakah department-in action lak a tum a ni.

School Education director K Lalthawmmawia chuan, kum 2015-16 academic session atan sorkar­in school syllabus leh text book a siam a, syllabus leh text book thar chu sorkar leh private school-te'n an hmang vek tur a nih thu a sawi.