Sum a lapse lo: Finance department

Financial year 2014-15 chu nimin khan a tawp ta a, vawiin aṭangin financial year thar a inṭan. Sorkar kum 2014-15 chhunga hman tur sum zingah hman loha liam (lapse) a awm lo nia thu dawn a ni.

Finance department hotute chuan, kum 2014-15 sorkar kum chhunga pawisa hmuh ang angte chu hman loha liam tur a awm dawn lo nia sawiin, sorkar department leh Treasury zawng zawngte chu inchingfel hman vek tura hriattir an nih thu leh, chu chu an zâwm ṭha veka an hriat thu an sawi.

Finance hotute sawi danin, sorkar bill zawng zawng pass vek hman a ni a, nimin tlai khan bank lamah thawn fel hman vek a ni. Hetih lai hian, sorkar cheque, cheng nuai 10 chuangte chu thla thum chhung a dam avangin Treasury lamin an la kawl rih thung.