Organic farming kalpui dan tur sawiho

Nimin khan chief mi­nister Lal Thanhawla ho­in CMO conference room-ah department hrang hrangte'n Mizorama organic farming kalpui dan tur an sawiho.

Chief Minister chuan, Mizorama organic farming chu tih palh thil organic mai nia a hriat thu sawiin, "Organic certification-te hi a process a buaithlak a, engtia harsa nge a nih tihte sawiho a ṭul dawn. Central sorkarin ‘organic farming in the north east’ a tihte hi zir chian ngai a, kan kalpui thei ang em tih ngaihtuah a ṭul," a ti a; tun dinhmunah chuan organic farming kalpui ngawt chu arkhawthimdai a hlauhawm thu a sawi.

Organic farming-ah chuan fertiliser-te hman a nih loh avangin a to a, thar chhuah a tam har bik avang­in mi nazawng tih theih a ni lo tih sawiin Lal Thanhawl­a chuan, "Engtinnge kan kalpui ang tih ngaihtuah tlan a ṭul a ni," a ti.

Meeting-ah hian Agriculture, Horticulture, AH&Vety leh Fisheries minister-te bakah, Planning Board vice chairman-te an tel a ni.