New Life Home Society din cham lawm

New Life Home Society, Durtlang North chuan nimin khan an din champha vawi 25-na, silver jubilee an lawm a, minister of state Lal Thanzara'n a hmanpui.

Lal Thanzara chuan, New Life Home Society-in hmeichhe rahbi tleute tuamhlawmna tur leh an tlukluhna tur hmun Jeriko Khualbûk an din chu lawmawm a tih thu sawiin, "Heng mite tana rawngbawltute inpekna a ropui tak zet. Tlawmngai pawl hrang hrang lo dingte’n Pathian rawngbawl hna chunzawmin khawtlang tan thil tha tam tak an ti a, hei hi Mizote vanneihna a ni," a ti.

New Life Home Society hi mi ṭha­hnemngaite’n March 7, 1990-ah an din a; Society-in a tum ber chu - ṭhalaite’n nun kawng dik an zawh theihna’n a enkawl a, hun âwl hman ṭhat dan zawnsak leh an chhungkua leh khawtlang tana ṭangkai tura chherchhuah a ni.