Intellectual Property Rights zirho

Patent Information Centre, Directorate of Science & Technology leh National Institute of Technology (NIT) Mizoram-te ṭangkawp chuan nimin khan State Guest House-ah 'Innovation & Intellectual Property Rights Awareness Workshop' an buatsaih.

Workshop hi senior scientific officer Dr Lalnunsiama Colney-in a kaihruai a; NIT-Mizoram director Prof. UC Ray chuan, "Tunlai khawvelah ram intodelh leh hmasawn chak ni tur chuan science & technology thiamna hmanga hmasawnna tur ruhrel leh hmanraw changkang hmuhchhuah leh hman a ṭul tawh a ni," a ti.

Worskhop-ah hian scientific officer Samuel Lalmalsawma'n Intellectual Property Rights chungchang a sawi a, Mizoram University-a assistant professor Dr Laldin­liana Varte-in Creativity & Innovation tih thupui a sawi thung.