MHA aṭangin cheng vbc. 4.70 hmu

Tripura relief camp-a Mizoram Bru chhungkaw 3,000 velte Mizorama lak letna tur Road Map 4 angin sorkar laipuiin chuan a bul ṭan nan Mizoram sorkar hnenah cheng vbc. 4.70 a pe. Pawisa hi hman a nih theih nan Home chuan Finance department-ah an bawhzui thuai dawn a ni.

Ruahman ang chuan, Tripura-a Mizoram khua leh tui Bru-te chu Mizorama district pathumah dah an ni dawn a; Mamit district-ah chhungkaw 2,000 chuang, Kolasib district-ah chhungkaw 628 leh Lunglei district-ah chhungkaw 233 dah tum a ni. Dah tumna hi Mizoram an chhuahsan hmaa an awmna a ni.