RMSA lab. attendant leh clerk chiang lo

RMSA Employee Welfare Association (MIREWA) chuan thuchhuah siamin, RMSA hnuaia laboratory attendant leh clerk-te chu an dinhmun tur tihchian a la nih loh avangin vawiinah sikul an kal ve dawn leh dawn loh an chian loh thu an tarlang.

MIREWA chuan, laboratory attendant leh clerk-te chu an dinhmun tihchianna engmah an dawn loh avangin sikul an kai loh chhan tur an hriat loh thu an sawi a, sikul kai vek turin an beisei a ni.

Laboratory attendant leh clerk-te dinhmun tur tichiang vat turin sorkarin an ngen a, "Khawngaihna lantir a, an chaw bél baw mai tur lak aṭangin min chhanchhuahsak turin sorkar kan ngen tak meuh meuh a ni," an ti.

Tarlan tawh angin, School Education department hotute chuan RMSA hnuaia laboratory attendant leh clerk-te hi sorkar laipuiin titawp tura a tih thu an lo sawi tawh a ni.