April 4-ah Larsap lalut dawn

Mizoram Go­vernor hna chelh lailawk turin, West Bengal Governor Keshari Nath Tripathi chu April 4, 2015 tlai dar 4-ah lak luh a ni dawn a; lak luh dan tur hi nimin khan chief secretary Lal­malsawma hoin CS con­­ference hall-ah mi pawi­mawihten an sawiho.

Sorkar thu­chhuah tar­lan dan­in, Keshari Nath Tripathi hian April 4-ah Aizawl a rawn thleng dawn a, Lengpui Airport-ah hmuahna programme hman a nih hnuah, tlai dar 4-ah Raj Bhavan Durbar Hall-ah Mizoram Larsap ni turin rinawmna thu tiamtira lak luh a ni ang.

Keshari Nath Tri­path hi kum 1934-ah Allahabad, Uttar Pradesh-ah a piang a, politics-ah nihna pawimawh tak tak a chelh tawh bakah, lehkhabu ṭhahnem tak a ziak tawh a ni.