MP complaint thehluh Court-in a ngaihtuah tawh

Lok Sabha MP atana thlan tlin tâk Richard Vanlalhmangaiha'n Lok Sabha inthlan campaign laia court-a criminal complaint thehluh chu court-ah ṭum khat ngaihtuah a ni tawh.

Richard Vanlalhmangaiha hian April 15, 2024 khan eirûknaah a tel ve anga social media kaltlanga thu thehdarh a nih avangin Aizawl District Court-a chief judicial magistrate Lalrochami Ralte hnenah criminal complaint a thehlut a ni.

Richard Vanlalhma­ngaiha'n thu dik lo hmanga amah timualphotu, criminal complaint-a hming a ziah lante chu - David Sailo (Facebook) te, YouTube channel Tuesday Nightmare neitu Lalrammuanpuii Izu w/o Alex Chimezie Izu, Mamit (permanent address) leh, Tlanghmingthanga s/o ML Ṭhuama (L), Mission Vengthlangte an ni.

Vanglaini thu dawn danin, Richard Vanlalhmangaiha criminal complaint thehluh hi ṭum khat ngaihtuah a ni tawh a, amah timualphotua a puhte chu court-ah an inlan vek a ni. Richard-a'n amah timualphotua a puhte ukilin thil thehluh duh a la neih avangin thutlukna siam a la ni lo.

Criminal complaint hi thla tharah ngaihtuah leh a ni dawn a, chutah chuan Richard-a'n amah timualphotua a puhte pawh an inlan leh ang.