Lungleiah September 25, 2024 aṭangin parking fee lak ṭan tum

Lunglei Municipal Council (LMC) hotute leh Lungleia local council hruaitute chu nimin khan LMC pisaah an ṭhukhawm a, Lunglei khawpui kawngpui dunga lirthei dah leh riahte aṭangin lirthei dah man (parking fee) khawn dan tur an sawiho. An ruahmannate chu September 25, 2024-ah hman ṭan tum a ni.

Ṭhutkhawm hi LMC vice chairman K Lalrinawma'n a kaihruai a; kawngpuia lirthei dahte chu LC-te'n a dahna nei tura hriattir nawn ni se, loh theih loha dah ngaite chu LC-in a dahna hmun a ruahmanah man chawia dahtir ni se, thupek bawhchhiate chu a vawi khatnaah Rs 1,000 chawitir ni se, an ti. Lirthei dahna hmunte chu rawng vára chhinchhiah bakah, chhinchhiahna ziak ṭha (signage) ṭha tak târ an rel bawk.

Lirthei dah man chu thla thar a piangin ni 10 hmaa khawn a, thehluh ṭhin tura ruahman a ni a; ruahmannate chu LMC-in thuchhuah siamin an la nemnghet leh dawn a ni.

LMC PARKING FEE (Thla khat zel atan)

Two wheeler - Rs 500

Three wheeler - Rs 700

LMV - Rs 1,000

HMV - Rs 3,000