Aizawlah heroin leh ganja man

Excise & Narcotics Department (END), Central YMA Kumpuan Committee leh Assam Rifles-te thawkho chuan September 5, Ningani zan khan Aizawlah ganja leh heroin an man.

END, CYMA Kumpuan Committee leh AR-te chuan Ningani zan dar 9:30 vel khan Chanmari West (Sairang Road)-ah ganja kg. 28 leh gram 237 leh a neitua puh - Zathanga (30) s/o Khulsi (L), Bilkhawthlir nia inchhál an man a, a phurhna lirthei Tata Yodha MZ-01 Z-8256 an hréng nghal. Ganja hi Shillong aṭanga lak a ni.

END leh AR-te chuan Ningani zan dar 11:20 khan Falkland Vengah heroin gram 220 (hawng 18) an man a; a neitua puh mi pali - Sabir Hussain Laskar (44), Howaithang, Cachar district, Kuti Raja (40) Joyahanpur, Cachar district, Lalditsang (35), Parbung, Churachandpur (tuna Chite Venga khawsa mek) leh, Lalchawngzovi (47), Chite Veng, Aizawl nia inchhálte an man bawk.

Ganja leh heroin kawltu an mante lakah END chuan NDPS Act, 1985 tlawhchhanin thubuai an ziak lut a, nimin khan Court-ah an thawn a ni.