Mobile phone neitute pe lêt

Lunglei Police Station-a Cyber Cell chuan August 2024 chhunga mobile phone bo leh rûkbo an hmuh chhuah leh 17 chu nimin khan a neitute hnenah an pe let a; a vaiin Rs 4,58,500 hûa chhût a ni.

Phone inpek letnaah hian Lunglei SDPO Zarzokima chuan, Cyber Cell thawhrimna vanga mobile phone bo inpe let thei an nih thu a sawi a, "Phone bo hi Lunglei mai ni lo, Mizoram leh India ram hmun dangah a tam em em a, a ti botute tan uiawm tak a ni. Lunglei Police-te chuan tê lua awm loin, phone tibo report awm tawh chuan theihtawp chhuah zel kan tum," a ti.

Lunglei police-te hian mobile phone bo leh rûkbo report an dawnte chu Central Equipment Identity Register hmangin an chhui a, mobile phone 71 hmu lêt tawhin, a neitute hnenah an pe let vek tawh a ni.