KHAWTHLIR

DG-ah kaisang
Prasar Bharti (All India Radio AIR leh Doordarshan)-a additional director general C Lalrosanga chu director general-ah a kaisang a, nimin khan a hna thar hi Delhi-ah a zawm. C Lalrosanga hian kum 1982 khan Indian Information Service a zawm a ni.

Thisen pe
Women Polytechnic, Aizawla zirlaite chuan, nimin khan Aizawl Civil Hospital-ah thisen unit 17 an pe a, a petute hmeichhia vek an ni.

Auditorium hawng
Institute of Advanced Study in Education (IASE)-a B.Ed Multi-Mode Programme leh UGC Sponsored Sports Infrastructure (auditorium)-te chu nimin khan School Education minister H Rohluna'n a hawng.

OT khâr dawn
Aizawl Cilvil Hospital-a inzaina pindan, operation theatre chu vawiin hian siam ṭhat a ni dawn a, hei vang hian vawiin aṭangin thu leh awm hma chuan Surgery leh Orthopedic department bikah emergency case lo chu zai theih a ni dawn lo a; ACH medical superintendent Dr Rosangluaia chuan mipui hriat­thiamna a ngen a ni.

Kawng khâr dawn
Zanlawna ONGC hnathawhna tur khawl phurtu motor lian a tlan a ngaih vangin Kolasib DC chuan April 1-10 chhung lirthei dang tlan hun a siam. Chhun dar 11 aṭanga dar 12:30 inkarah ONGC motor a tlang ang a, he mi chhung hian Kawnpui daia Sairang pêng leh Zanlawn inkarah Kawnpui lam panin lirthei dang tlan phal a ni lo.

T Sailo an ui
Zo Re-unification Organisation (ZORO) chuan thuchhuah siamin, March 27, 2015-a thi Brig. T Sailo chu Zo fate insuihkhawm leh theihna atana nasa taka ṭan latu leh Zo fate rorelna pakhat hnuaia an awm theihna tura hma latu a nih thu an tarlang a, amah an ui tak zet thu an sawi.

BJP vice president
BJP Mizoram Pradesh president Lalhluna chuan, Mizoram BJP vice president atan Nirupam Chakma a ruat thar.