MPSOA-in kah hlumte an rál

Mizoram Police Su­­bor­dinate Officers As­sociation (MPSOA) chuan March 28, 2015-a Ṭinghmun leh Zokhawthiang inkara HPC(D) helte'n police an kah hlum pathumte chu Rs. 10,0000 ṭheuhin an rál a; hliamte chu an nat dan azirin Rs. 30,000, Rs. 15,000 leh Rs. 10,000-in an kan bawk.

MPSOA chuan, helte beih letna turin Mizoram police-te thuam ṭha lehzual turin sorkar an ngen a, "Pawi khawihtute bei let a, kan ṭhian martar kal tate hnung zui turin kan in­huam a, ram hmelmate an phu tâwk hremna pe tura sorkar hmalakna kan theihna zawng zawngin kan ṭawiawm dawn a ni," an ti.

MPSOA chuan, sor­kar duh dan angin, Mizoram chhan tur leh Hmar mipuite thlavâng hauh turin an kal dawn tih an sawi a; inpumkhatna tichhia a, Mizoram mipui leh a bikin Hmar mipuite hlau leh thlabara siamtute man an nih theihna turin Hmar mipuite chu thawhpuiah an sáwm.