Zing dar 8:00 -ah sikul kai Ṭan ta

Kum 2015-16 academic session atan nimin khan sikul naupangte'n sikai an kai ṭan. Kum tir sikul kài ṭan aṭangin sikul kài hun sawn hma a ni a, sikul hun sawn hmain sikul tam takin an zawm laiin, zawm lo sikul an awm ve bawk.

April 1-a sikul hawn ṭan leh zing dar 8-a sikul ṭan turin School Education department chuan Mizoram puma sikulte a hriattir a, sikul tam zawkin an zâwm. Chutih rualin, nimina sikul la hawng lo an awm nual a, zing dar 8-a ṭan lo an awm bawk a, chung zingah chuan sorkar sikul pawh an tel niin Vanglaini chuan thu a dawng.

School Education department chuan thuchhuah siamin, sorkarin sikul kai ni leh ṭan hun atana a ruat chu sikulte'n an zâwm ṭha niin a tarlang a, lawmawm an tih thu a sawi.

Education department chuan, district hrang hrang aṭanga report an dawn danin, sikul ṭan hun atana sorkar ruat zing dar 8-ah sikul an hawng deuh vek a, class erawh an nei mumal nghal lo niin a tarang a, "Sikul ṭan hun chungchanga sokar thupek hi zawm ṭhat a nih leh nih loh uluk tak en zui zel a ni ang," a ti.