MPCC hruaitute'n kah hliamte an kan

Congress party vice president leh Home minister R Lalzirliana leh MPCC treasurer leh Planning Board vice chairman H Liansailova-te chuan, March 28, 2015-a Zokhaw­thiang daia HPC(D) hoin an kah hliam mi pali - Lal­khawngaiha, Zohming­thanga, Lalchhuanawma leh Vanṭhuama te chu nimin khan Aizawl Civil Hospital-ah an kan.

R Lalzirliana leh H Liansailova te hian ACH-a enkawl mek mi palite hi Rs. 8,330 ṭheuh an pe a; HPC(D)-in an kah hliam dang pahnih - Lal­hmangaiha leh Zarzolian­a-te chu damdawi-in aṭanga an chhuah tawh avangin an inah kanin pawisa an hlan.

MPCC hruaitute'n damlo an kanna sum hi Thawh­lehnia Congress Bhavan-a lambun tâwkte sûnna leh thlahualna an neih­a thawhlawm tling khawm Rs. 30,000 leh MPCC-in an thawh Rs. 20,000 a ni.