Mission Indradhanush kalpui tur sawiho

Lunglei District Task Force for Immunisation Commitee chu nimin khan an chairman, Ashish Mahdaorao, Lung­lei DC hoin a pisa-ah an ṭhukhawm a; Lung­lei district-a hriselna lama a hmalakna thar tur ‘Mission Indradhanush’ kalpui dan tur an sawiho.

Mission Indradha­nush hi December 2014-ah Ministry of Health & Family Welfare-in a duang a, India ram puma hri danna (vaccine) lak that lohna district 201-ah kalpui tur niin, chung zingah chuan Lunglei district a tel a ni.

Mission Indradhanush-in a tum ber chu - India rama naupangte hri danna lak ngai zawng zawngte kum 2020 ral hma ngeia naupang 90% laktir a ni.