NEWS LAWRKHAWM

HPC(D) an dem
Baptist Church of Mizoram, Mizoram Excise & Narcotics Services Association, Mizoram Legislative Assembly Secretariat Service Association, ZNP ṭhalaite leh BJP Mizoram Pradesh-te chuan thuchhuah siamin, March 28, 2015-a Zokhawthiang dáia HPC(D)-te'n MLA pathum leh anmahni zuitute lo lambun a, police pathum an kap hlum leh mi dang paruk an kap hliam chu an dem thu an tarlang. Mitthi chhungte an tawrhpui thu te, hliamte dam thuai tura an duhsak thu leh, tun hnuah thleng tawh lo se an duh thute an sawi bawk.

Vaihlo inzirtir
Mizoram State Tobac­co Control So­ciety (MSTCS) leh 5th IR buatsaihin nimin khan Lungverha 5th. IR hmunah vaihlo chungchanga inzirtirna hun hman a ni. Seminar hi MSTCS nodal offcer Dr Jane Ralte-in a kaihruai a, ISTH(M) president Lal Riliani'n thu a sawi.

Ran 59,726 talh
Animal Husbandry and Veterinary department chuan thuchhuah siamin, February 2015 chhunga ei atana ran talh zat an chhin­chhiah chu 59,726 a nih thu an tarlang.