Police-in police a kâp

Zohmun khuaa 1st. MAP constable, Robin Thangbawiha chuan April 1, 2015 zan khan 1st. MAP-a mi tho, sub-inspector Siamthara a kâp a; Siamthara hi Sakawrdai damdawi-ina lak a nih hnuah April 2 khan Aizawl Civil Hospital-ah lak a ni.

Police hotute aṭanga thu dawn danin, April 1, Nilaini zan Zohmunah YMA group conference a awm a, chutah chuan Robin Thangbawiha chu rûi chungin a duty a, an pu, S.I Siamthara chuan zilhin, a silai laksakin police post-ah a hawtir a ni. A hnua Siamthara post-a a haw ve chu Robin Thangbawiha chuan a ṭhiante silaiin a lo kap ta mai niin an sawi. Robin Thangbawiha hi man nghal a ni.